ملاك روحى على الكرسى

ملاك برج الحمل برج المراة مواليد شهر 3
اية رايك فى المساواة بين الرجل و المراة ؟ و بتفضليها ولا لا ؟
هحآول ارد على باقى اسئلتكـ يا نرمين ..
لحد ما الامتحانات قربت تخلص آهى و ارد عليهآ كلهآ
و على باقى اسئلة الاعضاء ..
آنا فعلآ من برج الحمـــــــــــــــــــــل .. شهر 3
و على فكرة كل حدث عظيم حصل للمراة .. كآن فى شهر 3
و بعشق رقم 3 جدآ .. و طبعآ معروف لية ..
هو فى مســــــــــآواة و مآفيـــــــــــش ..
مش فاهميين طبعآ .. آوضح آكتـــــــــــر ..
ربنآ قال فى كتاية ..
الرجآل قومون على النسآء .. محدش لية بيبص للاية الى بعدهآ
كل راجل يآجى يتكلم يقولكـ الجملة دى بس
لا .. كمل .. قومون بآيـــــــــــــة بالظبط
بما فضل الله بعضهم على بعض و بمآ
انفقوآ من اموالهم ..

قوام الرجآل مسئولية مش امتيــــــــآز يآعنى
و المسئولية مش سهلة ابــــــــدآ ..
ياعنى هو مسئول عن كل شىء .. مادام انا آخصة
آكل .. ملبس .. مشرب .. بيت .. علآج .. دفع آجر
............................... الخ .. كلة كلة ..
لو فى مساواة .. آنا بتكلم بحيادية على فكرة
لو فى مساواة و هنعمل زى اوربآ و امريكآ
يبقى انت هتدفع يوم و انا هدفع يوم .. مصآلح علاقتنآ
+ مشاعر .. دآ الغرب و الى بيحصل فية
و زى مآ انتى هتروقى البيت و هتغسلى ..
هو نفس الحكاية تانى يوم .. مصالح مشتركة
طبعآ .. مآفيش راجل شرقى يقبل انة يعمل كدآ .. مستحيل
و لمآ هو مستحيل .. لية طآلبيين اننآ نشيل كل حاجة لوحدنآ
و مش معنى كدآ اننا مش عاوزيين نشيل لاننآ اكيد ينشيل
بس فى فرق بين انكـ تشيلى و انتى حابة و بمزاجكـ
و بين انة يفرض عليكى .. يآعنى بشوف رجالة علشان
مراتتهم بتشتغل .. بيبقى عاوز يآخد مرتبهم .. بصفة اية ياعنى
تآخدة .. المفروض انت تدى و تجيب مش تآخد
و مراتبهآ دآ بتاعها .. و اكيد هى هتصرفة فى البيت ياعنى
بس لو جبتلهآ حاجة منة .. ميخصكش .. و تقعد تقولهآ
ازاى تجيبى فستان ولا جزمة ليكى .. مع ان مفروض انت
الى تجيب الحاجات دى ولا بشوف رجالة اول ما تقبض
تقولة هآتلى حاجة .. يقولهآ انسى .. مش خلاص قبضتى بقى
طيب الحل اية .. بتقولكـ البنآت لما تشوفة كدآ .. خلآص
مش هشتغل .. هقعدلة فى البيت مادام متبطر ..
تقعد فى البيت .. بردوة مش عآجب .. و مش قادر يكفى احتياجاتة
و مشاكل بردوة .. لا كدآ ولا كدآ ولا كدآ
دى مجرد امثلة جيت فى بالى فى وسط الكلآم
نرجع لموضوعنآ ..
البنت رغم انهآ بتطلب المساواة من الراجل الا انة مبيفهمش اية
قصدهآ من الكلمة كويس و المغزى منهآ
مثلآ .. لو جة يعاملهآ على انهآ راجل .. هتدايق
فين كيانهآ كآنثى بالنسبة لكـ .. فين حنيتكـ
فين طيبتكـ معاهآ .. فين باختصـــــــــآر
المعاملة كآنثى و يندرج تحت الكلمة دى مليون حآجة
و طبعآ مادام عاملهآ كآنثى .. يبقى طبيعى فى المساواة دى
بس احنا بنقولهآ اننآ نقصد شىء معين بنعبر عنة بكلمة مساواة
علشان توضح الرؤية ليهم .. بمعنـــــــــى
عاوزنهم يدونآ حرية .. مســــــآحة من الثقة و الامآن
فى ظل ارتباطنآ بيهم .. مينفعش متخرجيش .. متعمليش
متسويش .. متلبسيش .. كل حاجة لا .. لا
بيجيلنآ حالة كبت و بيآجى يوم و بنعمل دآ و يمكن يكون من وراكم
طب لية توصلونآ للمرحلة دى .. ولا هى الصراحة متنفعش معاكم
اية المشكلة لو لبست ضيق و هى معاكــ ولا آنت مش قادر تحميهآ !!
اية المشكلة لو جربت تغير كلمة لا مع المراة بنعم او حآضر
جرب كدآ تتعامل بالحسنى و باللين و بالهدوء
و من غير عصبية و شوف هيحصل اية مع كائن رقيق زينآ
جرب لو بكيت .. تآخدنى فى حضنكـ و تبقى حنين معايآ
جرب تهتم بيآ و ترعينى و تحسسنى بحبكـ
على فكرة .. الموضوع مش كيميآ و لا لغرتمآت
و هو ابسط ممآ حد يتخيل .. سياسة التعآمل مع الانثى
ازاى اراضيهآ و اصالحهآ .. ازاى اتكلم معاهآ .. ازاى افهم كلامهآ
ازاى اعرف اقنعهآ بكلامى ..
انت ممكن لو عملتلى الى انا عاوزة تانى مرة انا من نفسى
انا الى اعملكـ الى انت عاوزة و اكتر كمآن ..
بس طبيعى نتيجة انكـ مش عملتلى مش هعملكـ .. طبيعى
رد فعل مع رد فعل منكم و على اساس تعاملكم احنا بنتعامل معآكم
مينفعش اقول مساواة و انا بطبخلكـ الا كدآ يبقى لازم تطبخ معايا بقى
او بغسل او بعمل اى حاجة فى البيت و انت لا ........... دى مش مساواة
و مش مساواة لو قولتلكـ عاملنى كآنثى و حن عليآ
علشان لو مساواة هتعاملى زى الرجالة بالظبط من غير عطف ولا حنآن
علشان كدآ هى كلمة بتتقال مجآزيا من البنآت مش آكتر
انمآ مآفيش مساواة .. عمليـــــــآ ..
و لكن فى مشاعر على اساسهآ بتصرف .. بصالحهآ
بحن عليهآ .. بعاملهآ كآنثى
هى بتحس بانوثتهآ و انت بتحس برجولتكـ
احنآ الاتنيين بنكمل بعض .. مينفعش اجرحكـ
لانى كدآ ببقى بجرحنى انا و انت نفس الشىء
اعتقد ان الرجالة الشرقيين اغلبهم يفتقرون سياسة التعامل مع المراة
للاسف الشديد
كمآن .. لية بتزعق .. طيب انا متجوزهآ هادية ..
بعد الجواز بقت بتزعق .. ماهو طبيعى .. نتيجة زعيقكـ الى كآن
فى الاول .. اتعودت على كدآ و بدات تزعق هى كمآن
على فكرة .. انا ممكن اعمل اى شىء و مش انا لوحدى انا
و اى بنت لو طلبت الطلب دآ بزوق .. اتيكيت
ولا الاتكيت برآ بس و مع مراتكـ ولا خطيبتكـ ولا حبيبتكـ لا
مع ان الاهم جوآ مش برآ .. لو قولتلى من فضلكـ
لو سمحتى مثلآ .. ممكن اعمل كل الى انت عاوزة
و هقولكـ حاضر الى عمرى ما بقولهآ
فى حال لو طلبت نفس الطلب بالظبط بعصبية
هقولكـ بكل بساطة مش عاملة .. هتزود فى الكلآم
اخبط راسكـ فى الحيط و مش هعمل و الى عايز تعملة اعملة
كلنـــــــآ كدآ مش انا ولا هى ولا انت ... كل البشر كدآ
زى ما انت متقبلش انها تتعصب عليكـ .. آنت بتتعصب لية بقى
و لا هو حلال ليكـ و حرام عليهآ
مينفعش تحلل لنفسكـ حاجة و تحرمهآ عليهآ
بقولهآ متصاحبيش شباب على النت و هو عندة ميت بنت
و تيجى تكلمة .. آصلى انا ولد و انتى بنت
لا .. مافيش حاجة كدآ .. هى زيهآ زيكـ
عندهآ مشاعر و احاسيس زيكـ و من هنآ
طلعت كلمة المساواة .. زى ما هتعمل هعمل .. بالظبط
فى مقولة دايمآ بقولهآ الى هى

هتحبنـــــــــــــــــى ............ هحبكـــــــ
هتهجرنى ( ياعنى مش هتهتم بيآ و البنات اكتر حاجة
تدايقهم ان حبيبهم مش يهتم بيهم .. الحبيب اى شخص تانى
مش هتفرق كتير .. بس الحبيب بالذات لا )
هتهجرنى ............. راح انسى هواكــ
( ايوة علشان هتلاقى حد غيركـ يهتم بيهآ و هتدى فرصة ليهآ
مشاعرهآ تميل لواحد تانى و دآ مش عيبهآ .. عيبكـ آنت
لو من الاول معاهآ .. عمرى ما كانت احتاجت لغيركـ )
زى ما تتغير هتغير ( رد فعل زى ما قولت )
و هكون دايمــــــــآ كدآ وياكــــــــ

هو دآ المثل من غير الكلآم الى بين الاقواس
علشان كدآ .. انا بعترف بالمساوة كتعبير مجازيـــــــــآ
عاوزة راجل مش مهم يكون بيعرف يتعامل كويس مع الانثى
انا عندى استعداد اعملة ازاى يعاملنى كويس و ازاى يفهمنى
و امتى بالظبط يحس انى محتاجة لحضنة او لحنيتة
او لكلمة حلوة منة او للمسة ايديــــــــــة .. ممكن اعملة كل دآ
بس هيبقى صعب اقولة حبنـــــــــــــــى
علشان هو لو بيحبنى بشكل مش عآدى
هيعاملنى باتيكيت .. كآنثــــــــــــى و معتقدش ان اى بنت
بتطلب من اى راجل غير كدآ .. + انة يحسسهآ بالامــــــــآن
و طبعآ رجالة العالم كلهآ عارفة ازاى يحسسهآ بالامآن
بكلمة .. بفعل معين .. باحساسهآ بس انة جمبهآ فى مشاكلهآ
عآرفيين .. آنا كآن ليا صديقة بحبهآ كتير بس للاسف مكنتش
بحكيلهآ عن الى جوايا .. لسبب بسيط جدآ
مش حاسة معاهآ بالامـــــــــــــآن .. فالامان عنصر مهم جدآ
و ان لم يكن اساسيآ فى الحب
و طبعآ بفاضلهآ .. مين ميحبش الراجل الحنين
انا مبحبش الراجل الى يشخط و ينطر على الفاضى او حتى المليان
و بدايق حتى لو غلطت و حد زعقلى ..
بعتبر ان الراجل ضعيف الشخصية هو الى مبيقدرش يتمالكـ اعصابة
فى لحظة غضبة .. لان القوى بجد هو الى بيقدر يعمل كدآ
مش اى شىء تانى ..
و انا مش عاوزة اكتر من راجل مش بيزعق ..
ياترى صعب .. صعب الاقى حد قادر يسيطر على نفسة
لاقصى درجات ضبط النفس ..
و اكيد احنا بنقدرلة دآ .. اصلكـ هتزعق هعاند و مش هعمل
الى انت عاوزة و بردوة الى فى دماغى همشيية
و يمكن نتخانق .. فملوش لزم كل دآ
و طبعآ بفضل المساواة كتعبير مجازى .. اى المعاملة كآنثى
مآفيش بنت مش بتفضلهآ .. بس انا بحس فيهآ بحنيتة
و بحس اداية هو بيحبنى و انا دايمآ بحب احس
مدى حبة ليآ .. مش شرط بالكلآم ممكن افعال
او الاتنيين زى ما يحب .. بس بحب احس الاحساس دآ جدآ
+ خوفة عليـــــــــآ
ياعنى .. اية يا نرميين .. مشاعرى زى مشاعر اى بنت



لو جالك راجل عاوز يمشيكى بنظام امينة و هو سى السيد تقوليلة اية ؟
انا مبحبش اتعامل بالنظام دآ ابدآ
سى السيد دآ كان بتاع ستات و مش كويس يآعنى
و انا مبحبش اتجوز واحد عينية فارغة ..
بس اقولة .. خلينــــــــــــــــــــى آحبكــ
لان لو راجل يخلينى احبة او حتى اعجب بية
دآ مش حاجة سهلة ابدآ زى ما الكل متخيل
دآ من اصعب الامور بجد .. و محتاجة منة تعب صعب اوصفة
و يمكن بهدلة كمآن .. دى الحقيقة ..
خلينى احبكــ + عامل كآنثــــــــــــــــــــى
و انا لمآ بحب راجل .. بعيشة كزوج فوق السحــــــــــــآب
مآفيش حاجة مش هعملهالة .. حتى لو وصلت انى اعيشة
فى دور سى السيد رغم عدم ايمانى بية
بس ممكن ساعتهآ اعملة عشانة ..
آكيد عشانة هكون مستعدة اضحى بحاجات كتير
و اعمل حاجات كتير بس دآ لو قدر يوصل لمنطقة حصينة آوى
اسمهآ قلبــــــــــــــــــــــى
على راى ليلى مراد
الى يقدر على قلبى
يخطفة و انا آجرى وراة
و الى يقدر على حبى ( يخطبـــــــــــة )
و انا اعيش ويــــــآة
عايزة حبيبى من غير ما اندية .. يرد عليآ
و ارد عليــــــــة
و ساعة ايدى ما تيجى فى ايديــــــــــة
’حس بقلبة و اشوفة بعينيـــــــــة ..

حد يقدر يخطب قلبى

و نرجع تانى و زى ما وعدتكم
خلصت امتحانات .. يمكن انشغلت شوية
معلشى يا جماعة بس ادينى رجعت
عارفة ان كلامى دأ .. الى هو ردى على الاسئلة
فى ناس كتيرة مستنية ردى دا
و انا مش حابة اتاخر عنكم آكتر من كدآ

نكمل الرد على اسئلة نرميين الى مش بتخلص

اية رايك فى كاظم الساهر و اغانية ؟
انا بعشق كآظم .. بس حمادة هلال آكتر طبعآ
ما آنتى عارفة ..
آكتر حاجة بحبهآ فى اغانى كاظم ..
الاغانى الى كاتبهآ شاعرنآ العظيم
شاعر المراة .. نزار قبانى ..
لانة بيشبة حبة للمراة بشكل تحفة بجد
مع صوت كاظم بتبقى جامدة آوى
و بحب الاغانى الى كآظم بيغنيهآ باحساسة
و الى كلماتهآ تعجبنى .. غير كلمات نزار طبعآ
لان نزار كل حاجة لية غناهآ كاظم او مغنهاش
بعشقهآ بجد ..
مدمنة كاظم .. هقول اية بس
الى بعدة


و اية اكتر اغنية بتفضليهالة ؟
اممممممممممممم ..مآفيش حاجة معينة آوى
بس ممكن نقول .. ممنوعة انتى .. الحب المستحيل
انا و ليلى .. زيدينى عشقآ .. حافية القدميين
علمنى حبكـ .. انسى العالم ..
فرشة رمل البحر ..
هل عندكـ شكـ .. لا همآ كتير بجد ..
و صعب اذكرهم كلهم .. بس انا حاولت
اذكر الى فكرآة .. بس كل اغنية تكون
شعر نزار قبانى بعشقهآ .. و بعض اغانى
كاظم الى بيبقى احساسة فيهآ عالى آوى
لانهآ بتمس قلبى من جوآ آوى ..
و انا بعشق الاغنية الى احساسهآ عآلى
لانى قولت فى اول الكلام للى متابع
ان احساسى عآلى و زايد شوية ..
فبنتمى للنوعية دى طبعآ و فخورة بدآ


احساسك كان اية لما عرفتى ان ميدو سمى بنتة ب ملك
على اسمك و اتمناها تبقى لما تكبر شبهك ؟
بكيـــــــــــــــــــــــت بشدة
و حآولت ادارى دآ وقتهآ بس كآن باين عليآ


الى بعدة

المشاركة الأصلية كتبت بواسطة samar ولا يهمك يا دودو مستنيين ردك بردك عارفة ان امنياتك دودو كتيرة ممكن تقولى منها 3 امنيات ناوية عليها اليومين دول و تختار منهم امنية و تبادلها بامنية تانية و تقولنا اية الامنية الى خدتيها و بدلتيها بامنية اية و لية ؟

المشاركة الأصلية كتبت بواسطة فارس لو كان فى 3 بيحبوكى الاول بيموت فى التراب الى بتمشى علية و معاكى فى نفس البلد التانى بيموت فى التراب الى بتمشى علية و مش معاكى فى نفس البلد الثالث بيحبك بس مش بيموت فيكى و انتى مرتبطة بية تختارى مين فيهم ؟

المشاركة الأصلية كتبت بواسطة فارس ملاك حاسة انها هتكون من نصيب مين ؟ و بتحلمى باية بالظبط ؟

المشاركة الأصلية كتبت بواسطة نور2 قصة دكتور الغربيه دي موت من الضحك ع كلامك وبصراحه كنت متوقعه القصه من أولها سبحان الله اللي يحب حد أوي ويتجوزه وميكملش معاه لسبب معين بتبقي قمة الآسي والواحد يتمني ساعتها الموت ولا يمر عليه الموقف دا،، مواقفك دي بقي موت جامد من الضحك دا انتي طلعتي حكايه يابنتي مستنيه ردودك ع الأسئله صحيح انتي منين؟ وقوليلي عرفتي نور ازاي طبعا هتشرحيلي مع تعليل إجابتك وكتابه المعادلات ان امكن ‎:-d‎

المشاركة الأصلية كتبت بواسطة samar احكيلناة مقابلتك مع نور كانت ازاى بالتفصيل يا دودو و محتاجة قووووووووووووووى اشوفك